Yearly Archives: 2021

दिनांक          –  शुक्रवार 01/10/2021

वेळ              –  4 pm

स्थळ           –  कोल्हापूर प्रेस क्लब, दसरा चौक, कोल्हापूर. 

उपस्थिती      –  अरुण नरके फौंडेशनचे अध्यक्ष मा. श्री. चेतन नरके, सर्व वर्तमान पत्रांचे पत्रकार प्रतिनिधी, अरुण नरके फौंडेशन चे शिक्षक शिवकुमार पोवार, शशिकांत सुतार, प्रताप पाटील, प्रकाश शिंदे व अन्य मान्यवर उपस्थित होते.

प्रस्तावना –

अरुण नरके फौंडेशन’ने विकसित केली ‘इंटरनेटविना ई-लर्निंग प्रणाली’, घरबसल्या करता येणार एमपीएससी-बँकिगची तयारी !!

राज्यातील प्रमुख आणि नामवंत स्पर्धा परीक्षा प्रशिक्षण केंद्रात अरुण नरके फौंडेशनचे नाव घेतले जाते. या प्रशिक्षण केंद्रातून सामान्य शेतकरी कुटुंबातील, शहरी व ग्रामीण भागातील ५००० हून अधिक विद्यार्थ्यांनी प्रशासकीय सेवेत जाण्याचे आपले ध्येय साकारले आहे. स्पर्धा परीक्षेसाठी आवश्यक अशा सर्व प्रकारच्या अद्यावत सुविधा आणि तज्ञांचे मार्गदर्शन संस्थेच्या वतीने अगदी शालेय स्तरापासून दिले जाते.

आजपर्यंत नियमित ऑफलाईन पद्धतीने आणि कोविड काळात ऑनलाईन इंटरनेटच्या माध्यमातून कोर्सेस चालू होते. ग्रामीण भागातील मुलांना स्पर्धा परीक्षेच्या तयारी साठी शहरात येताना अनेक समस्यांना सामोरे जावे लागते. शैक्षणिक शुल्क, राहण्यासाठी जागेचा प्रश्न, चांगले जेवण देणाऱ्या मेस आणि इतर अनुषंगिक खर्च या गोष्टी सामान्य कुटुंबातील सर्वच विध्यार्थ्यांना आर्थिक दृष्ट्‍या परवडणाऱ्या नसतात. तसेच ऑनलाईन प्रशिक्षणात चांगल्या पद्धतीची मोबाईल व इतर उपकरणांची उपलब्धता, दुर्गम भागात इंटरनेट सुविधा मिळण्यात येणारे अडथळे, दर महिन्याला रिचार्ज चा खर्च त्यामुळे यालादेखील मर्यादा पडत आहेत. यामुळे विध्यार्थ्यांचे नुकसान होत आहे.

याशिवाय महिला गृहिणी आणि नोकरदार वर्गाला त्यांच्या दैनंदिन कामातून वेळेत क्लासेस मध्ये उपस्थित रहाणे शक्य होत नाही. या सर्वच विचार करून स्पर्धा परीक्षेची तयारी करू इच्छिणाऱ्यांसाठी संस्थेने नियमित ऑफलाईन आणि ऑनलाईन इंटरनेट कोर्सेस सोबतच इंटरनेट विना ई–लर्निग प्रणाली विकसित करून जास्तीत जास्त ग्रामीण विद्यार्थांना स्पर्धा परीक्षा कोर्सेसचा लाभ घेता यावा यासाठी सद्याची ई–लर्निग प्रणाली मोबाईल SD-Card(मेमरी कार्ड) मध्ये विकसित करण्यात आली आहे, यामुळे विद्यार्थांना आता कधीही, कुठेही , केव्हाही इंटरनेटशिवाय घरबसल्या स्पर्धा परीक्षांची परिपूर्ण तयारी करण सोप जाणार आहे त्यामुळे विद्यार्थी ,महिला , गृहिणी व नोकरदार विद्यार्थांना आता घरापासून दूर शहरात जाऊन रूमभाडे, मेसच्या जेवणाचे तसेच प्रवासाचे आर्थिक टेन्शन कमी होणार आहे, सध्याच्या या काळात घरी सुरक्षित राहून इंटरनेटशिवाय स्पर्धा परीक्षांची परिपूर्ण तयारी करण्याची संधी अरुण नरके फौंडेशनच्या माध्यमातून उपलब्द होत आहे. या कार्डची किंमत तुलनात्मक दृष्ट्‍या अत्यंत कमी आहे आहे. या व्यतिरिक्त काही मार्गदर्शन अथवा सुविधांची गरज भासली तर मार्गदर्शनासाठी फौंडेशनच्या वतीने तज्ञ शिक्षक इतर अनुषंगिक सुविधा उपलब्ध आहेतच. ग्रामीण आणि दुर्गम भागातील विद्यार्थी, गृहिणी आणि नोकरदार मंडळीना याचा सर्वाधिक लाभ होणार आहे.

राज्यसेवा मोबाईल मेमरी कार्ड कोर्स – वैशिष्ठे

•प्रत्येक विषय व टॉपिकनुसार स्वतंत्र व्हिडीओ लेक्चर्स, 640 हून अधिक HD क्वालिटी व्हिडीओ लेक्चर्स

•प्रत्येक मुद्यानुसार सुलभ सादरीकरण

•कोर्सच्या कालावधीत आपल्या वेळेनुसार कितीही वेळा लेक्चर्स पाहण्याची सुविधा

•विषयानुसार व्हिडीओ लेक्चर्स, नोट्स, १ ली ते १२ वी मराठी व इंग्रजी माध्यमाची शालेय ई- बुक्स.

•सरावासाठी प्रश्नसंच, करियर व स्पर्धा परीक्षा मार्गदर्शन सेमिनार, तज्ञांची मार्गदर्शनपर व्याख्याने

•स्पर्धा परीक्षांतून यशस्वी झालेल्या यशवंतांची , अधिकारी यांची प्रेरणादायी यशोगाथा आणि बरच काही

•राज्यसेवा, PSI/STI/ASO, सरळसेवा व इतर स्पर्धा परीक्षांसाठी उपयुक्त कोर्स..

बँकिंग – मोबाईल मेमरी कार्ड कोर्स- वैशिष्ठे :

•विषय व टॉपिकनुसार स्वतंत्र व्हिडीओ लेक्चर्स

•240 हून अधिक HD व्हिडीओ लेक्चर्स

•प्रत्येक मुद्यानुसार सुलभ सादरीकरण

•कोर्सच्या कालावधीत आपल्या वेळेनुसार कितीही वेळा लेक्चर्स पाहण्याची सुविधा

•विषयानुसार व्हिडीओ लेक्चर्स, नोट्स, १ ली ते १२ वी मराठी व इंग्रजी माध्यमाची शालेय ई- बुक्स

•इंग्रजी व हिंदी माध्यमातून सरावासाठी ऑनलाईन टेस्ट सिरीज व संदर्भ ई -बुक्स, करियर व स्पर्धा परीक्षा मार्गदर्शन सेमिनार, तज्ञांची मार्गदर्शनपर व्याख्याने …

•स्पर्धा परीक्षांतून यशस्वी झालेल्या यशवंतांची, अधिकारी यांची प्रेरणादायी यशोगाथा आणि बरच काही

•IBPS, SBI, RRB, SSC, Railway, LIC, MSEDCL, POST इ. स्पर्धा परीक्षांसाठी उपयुक्त कोर्स..

यासाठी जास्तीत जास्त विद्यार्थांनी याचा लाभ घ्यावा.असे आवाहन संस्थेच्या वतीने करण्यात येत आहे.

राधनागरी तालुक्याचे माजी आमदार तसेच बिद्री साखर कारखान्याचे संचालक मा.विजयसिंह मोरे साहेब यांच्या शिक्षण संस्थेला थायलैंड वाणिज्य सल्लागार मा.चेतन अरुण नरके यांची भेट.

चेतन अरुण नरके यांचे बंधुतुल्य मित्र आमदार रोहित पवार यांचे वडील बारामती अॅग्रीकल्चर डेव्हलपमेंट ट्रस्ट आणि बारामती अॅग्रो लिमिटेड चे चेअरमन मा. राजेंद्र आप्पासाहेब पवार यांनी आज गोकुळचे माजी अध्यक्ष मा.अरुण नरके साहेब यांच्या निवासस्थानी सदिच्छा भेट दिली.

यावेळी कृषी क्षेत्रातील विविध संधी आणि आव्हाने तसेच भविष्यात या क्षेत्रात एकमेकांच्या सहकार्याने नाविन्यपूर्ण उपक्रम राबविण्याबाबत चर्चा झाली.

अरुण नरके फौंडेशनने सामाजिक, शैक्षणिक, संशोधन, कला, सहकार इत्यादी क्षेत्रात आपला विशेष ठसा उमटविला आहे.  थोरा-मोठ्यांचे आशीर्वाद, सल्ले घेत नव सृजनात्मकतेला गती देऊन नव्याचा स्वीकार व जुन्याचा आदर बाळगत नवनवीन उपक्रम संस्था राबवित आहे. याच धर्तीवर मा. श्री. चेतन अरुण नरके यांच्या वाढ दिवसानिमित्त सप्टेंबर महिन्याच्या पहिला आठवडयामध्ये वेगवेगळे उपक्रम राबवले जात आहेत. यामध्ये सर्वात मोठ्या ताकतीने डास प्रतिबंधक उपाययोजना आणि जनजागृती अभियान केले जाणार आहे. त्याची सुरवात ११ सप्टें पासून झाली.   यासाठी मा. श्री चेतन अरुण नरके यांनी लोकांना उदेशून आवाहन केला आहे ते खालील प्रमाणे

‘डास प्रतिबंधक उपाययोजना आणि जनजागृती अभियान ‘

नमस्कार,

आपल्या सर्वाना गणेशोत्सवाच्या मनःपूर्वक हार्दिक शुभेच्छा..!

मला जाणीव आहे नेहमीच्या आनंद आणि उत्साहाला थोडी मुरड घालून कोरोनाची सर्व बंधने आणि नियमांचे काटेकोरपणे पालन करत हा उत्सव आपल्याला साजरा करावा लागत आहे. कोरोनाची तिसरी लाट रोखायची असेल तर हे आपल्याला आवर्जून करावेच लागेल.

कोरोनासोबतच आपल्या कोल्हापूर जिल्ह्यातील बहुतांश गावे आणखी एका संकटाला सामोरी जात आहेत. ते म्हणजे डेंग्यू, मलेरिया आणि चिकन गुनिया. एवढ्याशा डासाचा डंख असह्य अशा केवळ शारीरिकच नाही तर किती मानसिक आणि आर्थिक वेदना देतो. हे ज्याला तो डंख बसला आहे ती व्यक्ती आणि त्याचे कुटुंबीयच सांगू शकतात. प्रसंगी डेंग्यू मुळे अनेकांना आपला जीव गमवावा लागला आहे. यासाठी आपण आरोग्य यंत्रणा, स्वच्छता विभाग, शासन आणि प्रशासकिय यंत्रणेला संपूर्णपणे जबाबदार ठरवून पुढील उपाययोजनांसाठी वाट पहात बसतो. वास्तविक पहाता सार्वजनिक आरोग्य हे आपल्या वैयक्तिक आरोग्यावर अवलंबून असते कारण आपण प्रत्येकजण या समाजाचा घटक आहोत.

वैयक्तिक स्वच्छता, परिसर स्वच्छता, सांडपाण्याची योग्य निर्गत, डासांची पैदास वाढेल अशा कोणत्याही गोष्टीला प्रतिबंध असे अत्यंत साधे आणि सोपे उपायचं खरतरं या आजारापासून बचाव करतात. प्रतिबंध हाच या आजारावरील खरा उपाय आहे. आणि म्हणूनच आरोग्य यंत्रणा, स्वच्छता विभाग, शासन, प्रशासन यांच्यासोबत आपण देखील यामध्ये आपले योगदान देऊ शकतो.

‘गाव करील ते राव काय करील’ या उक्ती प्रमाणे जर आपण सर्वांनी मनात आणले तर ते सहज शक्य आहे. आणि म्हणूनच डेंग्यू, मलेरिया आणि चिकन गुनिया. या आजारांपासून बचाव करण्यासाठी आम्ही एका उपक्रमाचे आयोजन करीत आहोत. गाव आणि प्रभाग पातळीवर आपण हा उपक्रम राबवू शकतो. एका दिवसाच्या एकात्मिक आणि सामुहिक प्रयत्नातून तसेच सोबत दिलेल्या उपाययोजना आणि सूचनांचे पालन केल्यास डेंग्यू, मलेरिया आणि चिकन गुनियाचे संकट रोखू शकतो.

कोल्हापूरच्या मातीतल्या पैलवानाला एका डासाने चीतपट करावे इतके आपण कमजोर नाही. म्हणूनच हे अभियान आपल्या सर्वाना यशस्वी करावयाचे आहे.

मी अतिशय नम्रपणे सांगू इच्छितो की हा उपक्रम म्हणजे ११ सप्टेंबर रोजी असणाऱ्या माझ्या वाढदिवसानिमित्त आयोजित केलेला इव्हेंट नाही तर हे अभियान सार्वजनिक आरोग्यासाठी लोकांनी लोकांसाठी निर्माण केलेली लोकचळवळ व्हावी असा माझा मानस आहे. यासाठी मी स्वतः या उपक्रमात झोकून देऊन काम करत आहे.

डेंग्यू, मलेरिया आणि चिकन गुनिया या आजारांना रोखण्यासाठी आवश्यक अशा वैयक्तिक आणि सार्वजनिक स्वरुपात केलेल्या उपाययोजना याच मला माझ्या वाढदिवसानिमित्त मिळालेल्या शुभेच्छा असे मी मानतो.

माझी आपल्या सर्वाना कळकळीची विनंती आहे की या आजारांचे गांभीर्य ओळखून त्याला रोखण्यासाठी संकल्प पूर्वक हे अभियान राबवू आणि डेंग्यू, मलेरिया आणि चिकन गुनियाला हद्दपार करू.

डेंग्यू, मलेरिया आणि चिकन गुनियाला रोखण्यासाठी …

प्रतिबंध हाच उपाय …डासांना करूया गुडबाय …!

आपला

चेतन अरुण नरके

वाढदिवसा दिवशीच डास प्रतिबंधक उपाययोजना आणि जनजागृती अभियान पोस्टरचे ओपनिंग करण्यात आले.

अरुण नरके फौंडेशनचा सामाजिक क्षेत्रातील तब्बल २६ वर्षांचा सामाजिक कार्याचा वारसा जपत संस्थेचे अध्यक्ष मा . चेतन अरुण नरके साहेब यांच्या वाढदिवसानिमित्त संस्थेच्या विश्वस्त मा.सौ.स्निग्धा चेतन नरके यांच्या मार्गदर्शनातून सेवाभावी वृतीने बालकल्याण संकुल,कोल्हापूर मधील मुलांसाठी जीवनावश्यक अन्नधान्य वस्तूचे वाटप करण्यात आले.

 याप्रसंगी संस्थेचे प्रतीनिधी म्हणून विकास अधिकारी शशिकांत सुतार व अकौट विभाग प्रमुख प्रकाश शिंदे यांनी बालकल्याण संकुल मध्ये जाऊन जीवनावश्यक वस्तूचे वाटप केले.

अरुण नरके फौंडेशनने सामाजिक, शैक्षणिक, संशोधन, कला, सहकार इत्यादी क्षेत्रात आपला विशेष ठसा उमटविला आहे.  थोरा-मोठ्यांचे आशीर्वाद, सल्ले घेत नव सृजनात्मकतेला गती देऊन नव्याचा स्वीकार व जुन्याचा आदर बाळगत नवनवीन उपक्रम संस्था राबवित आहे. याच धर्तीवर मा. श्री. चेतन अरुण नरके यांच्या वाढ दिवसानिमित्त सप्टेंबर महिन्याच्या पहिला आठवडयामध्ये वेगवेगळे उपक्रम राबवले जात आहेत. त्यामध्ये अरुण नरके फौंडेशनच्या क्रीडा विभागांतर्गत आयोजित आजी-माजी फुटबॉलपटूच्या स्नेह मेळाव्याचे आयोजन                  करण्यात आले.

या स्नेह सोहळ्याचे आयोजन सोमवार दिनांक 6 सप्टेंबर 2021 रोजी शिवाजी पेठ संध्यामठ परिसरातील सभागृहात झाले. 

अरुण नरके फौंडेशन आयोजित आजी-माजी फुटबॉलपटूच्या स्नेह मेळाव्या प्रसंगी  मा. श्री अरुण नरके, श्री. माणिक मंडलिक, मा. श्री चेतन अरून नरके , श्री. उदय आतकीरे, श्री.बाळासाहेब  नीचिते, श्री. दिलीप माने, श्री. दत्तात्रय मंडलिक, शिवतेज खराडे, अभिजित वानिरे, विजय शिंदे, सुहास साळोखे, सुदेश मगदूम, प्रकाश रेडेकर, अकबर मकानदार, भाऊ घोडके, मनोज जाधव, सतीश चौगुले,  आदींसह ज्येष्ठ माजी- आजी खेळाडू                        उपस्थित होते

संपूर्ण सभागृहात कोल्हापूरातील विविध पेठांमधील तालीम, संस्थांच्या फुटबॉलपटूचे टी-शर्ट व त्यांचे ध्वज लावण्यात आले होते. याच बरोबर कोल्हापूरची गोल्डन गर्ल तेजस्विनी सावंत हिचा नुकताच झालेला टोकिओ ऑलिंपिक स्पर्धेतील टी-शर्ट व 19 वर्षाखालील भारतीय फुटबॉल संघात निवड झालेला विश्व शिंदे याचा टी-शर्ट ही मध्यभागी लावण्यात आला होता. ऑलम्पिकवीर पै. दिनकर शिंदे यांचे पणतू असणारे फुटबॉलपटू विश्व शिंदे यांचा यावेळी मान्यवरांच्या हस्ते सत्कार करण्यात आला

आजी माजी फुटबॉलपटू याच्या स्नेह मेळाव्याच्या निमित्ताने निधन झालेल्या फुटबॉलपटूंना दीपप्रज्वलन करून श्रद्धांजली ही यावेळी वाहण्यात आली

के एस ए चे उपाध्यक्ष मा. श्री. अरुण नरके यांनी फुटबॉलमय  वातावरण जपण्यासाठी असे उपक्रम पेठापेठांत सातत्याने व्हावे असे आवाहन केले. तसेच ज्येष्ठ खेळाडूंच्या गुडघ्यावरील व्याधींवर उपचारावर नरके फौंडेशनच्या माध्यमातून प्रयत्न करण्याची घोषणाही केली

वाणिज्य सल्लागार थायलंड सरकार, चेअरमन युथ को-ऑपरेटिव बँक लि., संचालक गोकुळ दूध संघ व अध्यक्ष अरुण नरके फौंडेशन मा. श्री चेतन अरुण नरके यांनी आपल्या ओघवत्या शैलीमध्ये उपस्थित आजी-माजी फुटबॉलपटूंना  प्रोत्साहित केला तसेच अरुण नरके फौंडेशन च्या सहायाने भविष्यात येणाऱ्या अडचणी दूर करण्याचे आश्वासनही दिले

स्नेह मेळाव्यास आजी माजी फुटबॉलपटू मोठ्या संख्येने उपस्थित होते.  स्वागत व प्रास्ताविक संयोजक दिलीप माने यांनी केले. सूत्रसंचालन मिलिंद यादव यानी तर संयोजन सतीश सूर्यवंशी, विजय माने, पप्पू सूर्यवंशी व सहकाऱ्यांनी केले. अरुण नरके  फौंडेशन च्या सहकार्याने हा मेळावा अतिशय उत्साहात पार पडला. असे उद्गार उपस्थितांनी काढले.

राजे विक्रमसिंह घाटगे कॉ-ऑप. बँक लि. कागल तर्फे आज कोल्हापूर जिल्ह्यातील नागरी बँकांच्या पदाधिकाऱ्यांची बैठक घेऊन मा. समरजीत घाटगे साहेब यांनी गोकुळचे संचालक मा. चेतन अरुण नरके साहेब यांचा युथ बँक 35 अ मधून बाहेर काढून ती पुन्हा उर्जित आवस्थेत आणली या बद्दल सत्कार करण्यात आला…

गोकुळचे नुतून संचालक तसेच थायलंड सरकारचे वाणिज्य सल्लागार मा.चेतन अरुण नरके साहेब यांनी शाहूवाडी तालुक्यातील गोगवे चिलिंग सेंटर (गोकूळ) ला भेट दिली या वेळी सर्व कर्मचारी,अधिकारी यांच्याशी चर्चा व संवाद साधला.

सोबत शाखा प्रमुख सुधाकर पाटील साहेब.

कोल्हापूर (प्रतिनिधी):थायलंड सरकारचे वाणिज्य सल्लागार आणि गोकुळ दूध संघाचे संचालक चेतन अरुण नरके यांनी धामणी खोऱ्यातील महापूर बाधित झालेल्या कळे, पुनाळ, माजनाळ, हंबर्डे, हरपवडे आणि निवाचीवाडी या गावांचा दौरा केला. पूरग्रस्तांना लवकरात लवकर नुकसान भरपाई मिळण्यासाठी पाठपुरावा करणार असल्याचे नरके सांगितले.
यावेळी त्यांनी नुकसानग्रस्त नागरिक, व्यापारी आणि शेतकऱ्यांशी संवाद साधला. यावेळी शाहुवाडी पन्हाळाचे प्रांत माळी, तहसीलदार शेंडगे तसेच कृषी अधिकारी धायगुडे उपस्थित होते.

महापुराचे पाणी गावात शिरल्यामुळे घरे आणि दुकाने आणि मालमत्तेचे मोठ्या प्रमाणावर नुकसान झाले आहे, तसेच पिके देखील वाहून गेली आहेत. झालेल्या नुकसानीची पाहणी करत त्यांनी लोकांना धीर दिला. उपाययोजनांसाठी योग्य त्या सूचना दिल्या. साथीचे रोग पसरू नयेत म्हणून योग्य ती काळजी घेण्याविषयी नागरिकांना आवाहन केले तसेच पशुधनाचे आरोग्य आणि इतर रोजगार विषयक बाबींचा आढावा घेतला.

लवकरात लवकर पंचनामे करून त्यांना योग्य ती नुकसान भरपाई मिळावी यासाठी पाठपुरावा करणार असल्याचे सांगितले. तसेच येणाऱ्या काळात महापुरासारख्या संभाव्य आपत्तीमुळे होणारे नुकसान टाळण्यासाठी कायमस्वरूपी उपाययोजना करण्यासाठी प्रयत्न करणार असल्याचे संचालक नरके सांगितले.

अरुण नरके फौंडेशन  सामाजिक क्षेत्रातील तब्बल २६ वर्षांचा सामाजिक कार्याचा वारसा जपत आली आहे. सामाजिक जाणिवेचे भान ठेवून  संस्थेचे अध्यक्ष  मा . चेतन अरुण नरके यांनी TV 9  देवदूत सन्मान २०२१ या संकल्पनेला पाठींबा देत सहभाग घेतला व संस्थेच्या विश्वस्त मा. सौ. स्निग्धा चेतन नरके यांचेही  मार्गदर्शन यामध्ये लाभले.

रविवार दि १५ ऑगस्ट २०२१ दुपारी ४ वा. भारताच्या अमृतमहोत्सवी स्वातंत्र्यदिनाचे औचित्य साधून जुलै २०२१ मध्ये आलेल्या महापुरात आपल्या प्राणांची पर्वा न करता सर्वसामान्य नागरिकांचे जीव वाजवून असामान्य कर्तुत्व गाजवणाऱ्या देवदुतांचा सन्मान करण्यात आला. TV 9 मराठी च्या वतीने आयोजित या कार्यक्रमात अरुण नरके फाउंडेशन आणि परिवार अभिमानाने सहभागी झाला होता.

    या कार्यक्रमामध्ये भाजपा प्रदेशाध्यक्ष चंद्रकांतदादा पाटील, सहकार राज्य मंत्री बाळासाहेब पाटील,  उच्च शिक्षण मंत्री उदय सामंत, गृह राज्यमंत्री सतेज पाटील, आमदार ऋतुराज पाटील, ग्रामविकास मंत्री हसन मुश्रीफ, जलसंपदा मंत्री जयंत पाटील, माजी खासदार राजू शेट्टी, अभिनेत्री व सामाजिक कार्यकर्त्या  दिपाली सय्यद, थायलंड  सरकारचे वाणिज्य सल्लागार , अरुण नरके फौंडेशनचे अध्यक्ष आणि गोकुळचे संचालक  मा.  चेतन अरुण नरके  आणि इतर मान्यवर उपस्थित होते. या सर्वांचे स्वागत TV 9 चे मॅँनेजिंग एडिटर उमेश कुमावत, व बिझनेस हेड भूषण खोत याचे हस्ते करण्यात आले.

    TV 9 मराठी चे व्यवस्थापकीय संपादक उमेश कुमावत बोलताना म्हणाले कि, देवदूत सन्मान गौरव सोहळ्याची संकल्पना सांगताच समाजातील काही दानशूर कार्यक्रमाचा भाग होण्यास पुढे आले यामध्येच एक अरुण नरके फौंडेशन कोल्हापूर, हा कार्यक्रम लवकरात लवकर करण्यासाठी त्यांनी आग्रह धरला. तसेच देवदूत सन्मान

कशासाठी आयोजित केला याची माहिती विशद केली. हा कार्यक्रम कोल्हापूरच घेण्यामागचा हेतूही विषद केला.

    मुख्य सन्मानाच्या कार्यक्रमाची सुरवात उपस्थित मान्यवराच्या हस्ते अतिशय दिमाखात झाली यामध्ये प्रत्येक देवदूताचे कार्य व्हीडीओच्या माध्यमातून पाहता व ऐकताना उपस्थितांच्या अंगावर शहरे येत होते. कोणत्या परिस्थित त्यांनी हे कार्य केले याची कल्पना येत होती.

प्रत्येक देवदूताचा सन्मान हा त्याचे धाडस पाहून खास वाटत होता.

देवदूतांची यादी सोबत जडली आहे. स्मारोपामध्ये  जे मान्यवर उपस्थित राहिले त्याचे आभार मानण्यात आले तसेच असे असंख्य देवदूत आहेत पण कोरोनामुळे प्राथनिधिक स्वरुपात आपल्याला देवदुतांचा सन्मान करावा लागला याचीही दिलगिरी TV 9 च्या वतीने मानण्यात आले व कार्यक्रमाची सांगता झाली.